TURA, Naitung 27: Ki pulit kila ialam tian bishar hynne ka janmiet sngi balang ia u MDC ka BJP na Tura, Bernard N Marak hakhmat jong u Judge ka Iingkashari Magistrate jong ka Hapur.
U Bernard ula shah kem ha ki Pulit ka Uttar Pradesh katba u dang shong taxi ha ki thain Hapur. Ki Pulit kila suba jur ba une u MDC u thmu ban phet sha Nepal lyngba ka Varanasi lane Gorakhpur khnang ban lait na kti ka ain bad ka arrest warrant pyrshah ia u.
Ia kane ka hukum ban kem la pynmih hadien ba u la kyntait ban wan aiti ialade ha ka kti ka ain hapeng ka hukum ba un pyndem ialade hadien ka jingkhynra ia ka farm house kaba lam sha ka jingioh kyndang ia ka kam khaii met bad ka jingioh kem ia 73 ngut ki briew bad ioh pyllait ia 5ngut ki khynnah nalor ka jingioh kurup ia bunbah ka kyaid bad mj condom.
Ki Pulit ka Jylla ki dang iapynbeit ban ioh shimti noh ia une u MDC ka BJP na ki Pulit ka UP shisien bala pynmih hukum da ka iingkashari na Uttar Pradesh.
