Ialam ki Kynthei ia ka lynti kumno ban pynkhuid ia ki jaboh | Pyni nuksa da ka kam ba ai jakpoh

Shillong, Nohprah 13 : Kum ka jingpyni ia ki kam ba kham phylla bala shimkhia hi da ka imlang sahlang, ki Kynthei ha Meghalaya kila pynkylla dur ia ka rukom pyndonkam ia ki jaboh jabain, bad ka Self Help Group (SHG) “Merry Maidens of Shillong” kala mih kum ka nuksa ba tyngshain.

Kane ka kynhun ka dei jong ki Kynthei ba tam niut, kiba la lah ban pyniaid mynta ia ka Waste Recovery Centre bad pynmih ia ka sboh bala pynskhem da ki bor Sorkar, da kaba pyndonkam ia ki buit tynrai lajong.

Ka jingiaid lynti ka “Merry Maidens” kala sdang na jaka bret niut ha Marten, ha kaba kila mad ia shibun ki jingeh bad jingshah niew bein kiba bun jait. Hynrei da ka jinghikai ba man ka por bad ka jingkyrshan na ka tnad Urban Affairs, ki la pynkylla mawkhongping ïa ka jingim jong ki. Mynta, kim dei shuh tang kiba pyniaid ia ka jinglum jaboh hynrei ki iaid ruh sha ki shnong ki thaw ba marjan ban hikai ia ki rukom pyniakhlad ia ki niut.

Ka kam jong kine ki Kynthei tam niut kala ai shibun bah ki jingmyntoi, kynthup ka jingpynduna ia ka jingkynton ki niut ha marten, ka jingnang bha ka khyndew bad ka jingnang jyrngam ki khlaw ki btap. Ka khana jingjop jong kane ka kynhun ka dei ka sakhi ia ka bor jong ki sienjam bala shim hi da ki riew paidbah bad ka jingkyrshan ka Jylla ban pyniaid shakhmat ia ka roi ka par kaba neh.

Ki jingpyrshang jong ka Sorkar Jylla ban pynkhlain ia ka rukom lum bad pyndonkam ia ki jaboh ki la seisoh mynta, da ka jingnang pynbha ia ka rukom pyniakhlad ia ki jaboh, ka prokram ban shna sboh ba lamkhmat da ki riew paidbah bad ka jingpeit bniah ia ka mariang kala nang kham paw. Ki sienjam bala lamkhmat da ki Kynthei kum ka Merry Maidens, kila don hakhmat eh ha kane ka jingkylla.

Ka India kala sakhi ia ka jingkylla kaba khraw ha ka jingpyniaid ia ki jaboh jabaiñ, kaba la wan lyngba ki sienjam bala shim da ka Ministry of Housing & Urban Affairs bad ka Sorkar Jylla. Da kaba pynleit jingmut ha ka jingpyniakhlad ia ki niut naduh na tyllong, ka jingpynduna ia ka jingpyndonkam plastic, bad ka jingiashim bynta jong ki paidbah, kine ki prokram kila pynkylla dur thymmai ia ka rukom pyniaid ia ki jaboh jabaiñ jong ka ri.