Iakynduh u CM ka Assam ia ki nongmihkhmat jong ki hynriew jaidbynriew ka jylla halor ka mat dawa ST

Date:

Share post:

Guwahati, Nailur 24 : U Myntri Rangbah (CM) ka Assam u Himanta Biswa Sarma hynnin ka sngi Thohdieng ula iakynduh ia ki nongmihkhmat jong ki hynriew tylli ki jaitbynriew riewlum ka jylla kiba don hapdeng ka jingkhih bitar ha kaba iadei bad ka mat jong ka jingdawa bhah Schedule Tribes (ST).

U Himanta Sarma ula iakynduh ia kine ki nongmihkhmat jong ki jaidbynriew Adivasi, Chutia, Koch Rajbongshi, Matak, Moran bad Tai Ahom ban iamir jingmut halor ka mat kaba iadei bad ka jingdawa bhah ST ka jong ki.

Ha kane ka jingialang kaba kongsan bha la ia don lang ruh u myntri ka sorkar Assam, u Pijush Hazarika, u Ranoj Pegu bad u Sanjoy Kishan.

Ha ka jingiamir jingmut na ka liang u CM ka Assam ula pynthikna sha ki nongmihkhmat jong kine ki hynriew jaidbynriew ka jylla ba un shim khia ha kaba iadei bad kane ka jingdawa ka jong ki.

Lah ban kdew ba kine ki hynriew tylli ki kynhun jaidbynriew ka Assam dang shen kila shah kyntait ha ka sorkar pdeng ba la lamkhmat da ka BJP ban pynioh ia ka bhah ST, katba kiba bun kiwei pat ki kynhun jaidbynriew rit paid jong ka ri kila ioh ia kane ka bhah ba kyrpang (ST).

Ka jingdawa ia ka bhah ST da kine ki hynriew tylli ki kynhun rit paid ka Assam ka dei ka mat kaba la slem bah.

Hadien ka jingshah kyntait ban pynioh ia kane ka bhah ST, na ka liang ki nongshong shnong jong kine ki hynriew tylli ki jaidbynriew ka Assam kila mih sha ki surok ban pynpaw ia ka jingbitar pyrshah ia ka sorkar pdeng bad ia ka sorkar jylla.

Ki nongiakhih pyrshah ha ki bynta bapher bapher ka Assam kila thang ruh ia ki dur tyngshop jong u Myntri Rangbahduh (PM) Narendra Modi bad u CM ka Assam u Himanta Biswa Sarma.

Share post:

spot_img

Popular

More like this
Related

Kyntu u SP ia ki paidbah ban phone ha u nombor 112 lada pluh iing ne iing khlaw

Shillong, Lber 20: U Superintendent of Police (SP) ka...

Yn iatreilang ka DREAM bad ka UNODC ban survey ia ka jingdon ki nongdih droks ha Jylla

Shillong, Lber 20 : Ka Drug Reduction Elimination &...

Hiar audit ka MSPCB ia ka jingpynmih tdem ki karkhana ha Byrnihat | Kwah buh shnat treikam ha Byrnihat

Nongpoh, Lber 20 : Ka Meghalaya State Pollution Control...