Shillong, Nailar 12 : U Myntri Rangbah ka Jylla Conrad K Sangma, ula iakynduh dang shen ia u Myntri ka Ministry of Health & Family Welfare Dr JP Nadda bad kyrpad ba un pynioh lem ia ka jingmynjur jong ka National Medical Commission (NMC) na ka bynta ka Shillong Medical College.
Ka jingwan jurip ka NMC kala dei long bad ka College kala pynbiang ia ki jingdonkam baroh ban lah leh eei halor ka jing thungkam nonghikai ba pura.
Kat kum ka jingiathuh u Principal Secretary ka Tnad ka Koit ka Khiah ka Jylla Sampath Kumar, ka kam ban thung ia ki nonghikai kala jan dep, bad kumba 90% na ka jingdonkam nonghikai na ka bynta ka college ba 50 seat, la dep ban thung.
Ka College kala thung ia ki assistant professor nala ka jong ka Jylla katba ia ka kyrdan professor la pyndap da kiwei pat ki lynti, ula ong haba iakren bad ki nongthoh khubor ha ka sngi Ba-ar.
U Sampath ula pynpaw ruh ba kawei na ki jingeh ba kham khraw eh ka dei ka jingduna jong ki nonghikai, ka kam ka bym don jingiapher ia ka Shillong Medical College bad kumjuh ruh ka Tura Medical College ha Ri-lum Garo.
Ka jingthung ia ki nonghikai ba dap pura la khmih lynti ba kan shimpor, lehse haduh 10-15 snem naba ki medical office ki ju pynbteng ia ki jingpule post graduate bad ban ioh ia ki jingshemphang.
“…..na ka bynta ka college ba 50 seat ngi la ioh haduh 90% ki nonghikai ba donkam. Ia ki nonghikai ba dang sah, ka kam ban thung ia ki ka dang iaid shakhmat” ula ong.
 na ka bynta ka Shillong Medical College.){kind=link}