Shillong, Lber 20 : Ka Institute of Bioresources and Sustainable Development (IBSD) kala pynlong ia ka jingiakynduh lang ne business meet jong ki nongsumar tynrai ha Upper Shillong, ban kyntiew ia ka rukom ai jingsumar tynrai hapoh ka thain Shatei Lam Mihngi ka Ri.
Kane ka sienjam ka dei kaba la shim da ka jingthmu ban pynleit jingmut ha ka kam buh jingthoh, ban pynim bad bishar ia ka rukom sumar tynrai ka Manipur bad Megalaya khnang ban lah wanrah ia ka jingiadei kaba iajan hapdeng ki nongsumar tynrai, ki stad saian bad ki karkhana.
Ha kane ka prokram la wan iashimbynta da ki nongwad bniah ia ki jingsumar tynrai na Meghalaya , ki scientists n aka BRDC, IBSD, Imphal, Shillong bad kiwei kiwei ki Institute.
Haba shim bynta ha kane ka jingiakynduh lang, u Dr. Suraksha S. Diwan u Head ka NER-BPMC, Department of Biotechnology (DBT) New Delhi ula pyni iaki sienjam ba shim daka DBT NER bad ki kabu lyngba ka Development of Bioresources bad ki rukom sumar tynrai.
U Dr. U V Babu Director ka Research & Development, Himalaya Wellness Company, Bengaluru ula pyni iaki jait dawai bala pynmih daki kynbat bala pynmih daka Ayurveda bad bala pyndonkam daki nongsumar tynrai.
Ula kren ruh halor ka jingkongsan ban pynmih ia ki dawai herbal kiba bha.
