Shillong, Nailar 14: Ki nongmihkhmat jongka State Olympic Associations na kylleng ka ri India kila shong ia ka jingialang ha Olympic Bhavan ha ka sngi Balang ha kaba la iadonlang ka President jongka Indian Olympic Association (IOA) ka Dr. PT Usha.
Ha kane ka jingialang la ai jingiaroh ia ka jingiatreilang hapdeng ka IOA, State Olympic Association bad ka Uttarakhand Olympic Association ha ka jinglah ban pynlong ia ka 38th National Games kaba jop. Ki dkhot kila ai khublei ruh ia ka IOA Games Technical Conduct Committee bad ia ka Uttarakhand Department of Youth Affairs and Sports kaba la leh ia ka kamram na ka bynta ban pyniaid beit ia katei kal ympung iakob.
Ha kane ka jingialang u Working President ka Meghalaya State Olympic Association (MSOA) u Bah John F. Kharshiing bad u General Secretary Finely L. Pariat kila pynsngew sha ki dkhot ia ka jingpynkhreh ban pynlong ia ka 39th National Games, ia kaba la pynbeit ban pynlong ha Meghalaya ha u bnai Rymphang-Lber 2027.
U Bah Kharshiing ula pyntip ba ha ka jingialang jong ki Myntri ka tnad Ialehkai jong ki jylla ka thain shatei lammihngi, ki Secretary bad ki State Olympic Associations la pynlong ha Shillong ha ka 25 tarik u Naitung 2025 ban iakren ban pynlong ia ki jingialehkai ki bapher bapher kiba kynthup ia ki jingialehkai kiba hap ha ka Olympic bad ki bym hap, kiba lah ban pynlong ha kylleng ki bynta jong ka Meghalaya bad ha ki jylla ka thain shatei lammihngi. Ula pynthikna bai a ki jingtei kiba kongsan kila iaid beit ban pyndep noh hapoh u snem 2026.
Hashwa kane, ki heh jongka MSOA kila leit iakynduh ia u CEO ka IOA u Raghuram Iyer ban iakren halor ka rukom pyniaid bad ka jingpynbiang ia ki jaka sah bad ia ka leit ka wan na ka bynta ka 39th National Games.
Ka jingialang kala kut noh, hadien ba ki dkhot kila ai khublei ia ka Dr. PT Usha kaba la ai ia ka jingkren kaba shoh jingmut bha ha ka jingmynjur ia ka National Sports Governance Bill 2025 ha Rajya Sabha, ia kaba kila ong ba kadei ka jingpyni ka jongka ia ka jingkitkhlieh ban pynkhlain ia ki kam synshar kiba iadei bad ki kam ialehkai hapoh ka ri India.
 ka Dr. PT Usha.){kind=link}