Imphal, Jylliew 20: Ka Kynhun ki Myntri Sorkar bad ki MLA na Manipur ha ka sngi Nyngkong, kila iakynduh ia u Myntri kam iada ri Rajnath Singh ha New Delhi bad dawa ban weng noh ia ka soskular Suspenson of Operation (SoO) bala iateh bad ki lai tylli ki kynhun kaikhlaw Kuki.
Kane ka kynhun na Manipur ka don haduh 23 ngut kiba dei ki Myntri Sorkar bad MLA ka BJP lem bad ka NPP, kaba la ialam da u Lamphang ka Iingdorbar Thokchom Satyabrata Singh.
Kine ki Nongthaw Ain ka Manipur kila kyrpad ia u Rajnath Singh ba un shim ia ki sienjam ha kaban wanrah biang noh ia ki kynhun kaikhlaw sha ki ktem bala buh kyrpang da ka Sorkar.
Ki don haduh 2266 ngut ki ehrang kaikhlaw Kuki kiba la sah ha kylleng ki ktem ba pynkhreh ka Sorkar ha Manipur hadien b aka Sorkar Pdeng bad ka Sorkar Manipur kila iasoi iaka SoO bad ki lai tylli ki kynhun kaikhlaw- ka Kuki National Army (KNA), Zomi Revolutionary Army (ZRA), bad ka Kuki Revolutionary Army (KRA naduh ka 22 tarik Nailar, 2008.
Kane ka kynhun ba 23 ngut na Manipur ka kynthup ruh ia u MP ka Rajya Sabha Maharaj Sanajaoba, ki Myntri Sorkar ka Manipur kata uThounaojam Basanta Kumar, Govindas Konthoujam, Sapam Ranjan, Heikham Dingo, L. Rameshore, K. Robindro, Th. Shyamkumar, Kh. Joykishan.
 bala iateh bad ki lai tylli ki kynhun kaikhlaw Kuki.){kind=link}