spot_img

Iakynduh ki Heh BJP ia ki Nongialam Niam ha Nongpoh ba kynjoh 9 snem ka Sorkar NDA

Date:

Share post:

Nongpoh, Jylliew 28 : Ki Nongialam ka Bharatiya Janata Party (BJP) hynne ka sngi Balang, kila leit iakynduh ia ki Nongialam Niam ha Nongpoh kum shibynta na ka jingrakhe ia ka “Maha-Jan Sampak Abhiyan” halor ka jingdap 9 snem ka Sorkar National Democratic Alliance (NDA) ba ialam da ka BJP.

Ka BJP kala pynbna ban pynlut por baroh shibnai ban leit jurip ia ki District bapher bapher jong ka Ri kynthup hangne ha Jylla Meghalaya ban ialap sha ki paidbah halor ki kam jong ka Sorkar u Narendra Modi.

U Nongialam ka BJP bad Chief Whip ka Sorkar Bihar Dr Dilip Kumar Jaiswal ula leit iakynduh ia ki Nongialam niam jong ka Balang Katholic ha Nongpoh Parish ha ka jingiadonlang ki nongialam ka party kiba don hapoh ka District.

Ha kane ka jingiakynduh la iathuh ba ki Nongialam Niam kila ioh ban pynsngew ia ki jingeh jong ki paid Khristan ba kynthup naduh ka jingshah lehbein, ki jingshah pynjulor ki Iingmane bad leh dusmon ia ki Bible da ki riew shim kabu.

Lah ban kdew hangne ba ka “Maha-Jan Sampak Abhiyan” ka dei ka prokram ban leit pynsngewthuh ia ki paidbah ka Ri halor ki kam ba ka Sorkar u Modi kala leh hapoh ka Ri ha kine ki 9 snem ba ka Synshar ia ka Ri.

Share post:

spot_img
spot_img

Popular

More like this
Related

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...

Maham ka SMB ia ki jaka khaii ban buh mar shabar ki dukan

Shillong, Jylliew 27: Ka Office Chief Executive Officer (CEO)...