Shillong, Nohprah 21 : Kum shi bynta ban pynkhreh iaka 5th Meghalaya Games 2024, ka Wrestling Association WGHD Committee hynne ka sngi Palei kala iakynduh ia u Working President, MSOA Bah John F Kharshiing, ha Tura ban iakren halor ka jingpynkhreh ia ka kynhun Wrestling Association West Garo Hills District, ban iashimbynta ha ka Meghalaya Games.
Ka 5th Meghalaya Games kan sdang ha ka 15 tarik haduh ka 20 tarik Kyllalyngkot 2024 bad kane ka jingiakob kaba heh kan long ha ka sien kaba nyngkong ha Tura, West Garo Hills district.
Ia kane ka jingialang la pyniaid da u Johnsonbon President, bad ka Sofia D. Marak, Secretary, Wrestling Association, WGHD nha kaba la iadonlang ki nongkitkam bad kiwei kiwei.
Ki nongkitkam ka Wrestling Association WGHD committee ki kynthup ia u President – Johnsonbon G Momin, Vice President – Tange B. Marak, Secretary – Sofia D. Marak, Joint Secretary – Asako Chean T. Sangma, Treasurer – Beryan G. Momin bad ki dkhot kiba kynthup ia u Rikham M. Marak bad Vencosal R. Sangma.
Ka jingialang lala pynpaw ia ka jingsngewnguh ia u Myntri Rangbah ka jylla u Conrad K Sangma bad ia u Myntri ka tnad Sports and Youth Affairs Bah Shakliar Warjri kiba la ai jingjyrshan da kintiar ki tar ialehkai.
Kadei ka sien kaba nyngkong ban pynlong iaka Meghalaya games ha Garo Hills naduh ba ka Meghalaya kala ioh iala ka jong ka jylla bad kane ka pyni ia ka jingsdang kaba thymmai ha ka kam ialehkai ha ka thain bad ki district association ki kyrmen skhem ba iai bteng kanjingioh jingkyrshan ban saindur ia ka lawei jong kiba do sap don phong kiban mihkhmat ia ka Meghalaya bad ban khur takma na ka bynta ka ri India.
