Shillong Jylliew 12: Ka Meghalaya State Education Commission (MSEC) ha ka sngi baar, kala iatai sani bad ki khlieh jong ki jaka pule kiba don ha East Garo Hills ha ka jingialang kaba la long ha Loyola College ha Williamnagar.
Ia katei ka jingialang la pyniaid da ka Chairperson jong ka Commission ka Prof SM Sungoh, ha kaba la iadonlang u Member Secretary bad u Secretary ka pule puthi ka jylla u Ambrose Ch Marak ryngkat bad ki nongaibuit kiba kynthup ia u Dr. David Syiemlieh bad u Tony Travert Ch Marak, bad u Deputy Commissioner ka East Garo Hills u Vibhor Aggarwal.
Ka Prof SM Sungoh, kala ai ka jingbatai halor ka jingthmu bad ka nongrim jong ka State Education Commission (SEC) bad pynpaw ba ka pule puthi ha ka jylla ka dang iaid hapdeng ka jingkylla lyngba ka jingsdang pyntreikam iaka National Education Policy, 2020. Kala pyntip ruh ba ka SEC kala shah pynkup bor ha kabna khmih ia ki jingeh kiba la mad da ka Human Resources Development bad ka sorkar Meghalaya.
U Vibhor Aggarwal, ula ong ba ka jingai jingmut jong ki khlieh ki jaka pule ha ka district kan long ka jingiarap ha kaban pynbha ia ka pule puthi ha ka jylla bad ula pynshai ruh ia ki jingeh kaba mad da ki Lower Primary bad Upper Primary School ha ka district.
Ki khlieh jong ki jaka pule kiba iatai bad iaphylliew jingmut bad ka SEC kynthup ia u Deputy Commissioner, u Sub-Divisional School Education Officer (SDSEO), Samuel K Sangma, Principal ka Holy Family School, Rongjeng, Loyola College, Williamnagar Govt. College, Rongrenggre Govt. Higher Secondary School, Greenyard Higher Secondary, Sacred Heart Higher Secondary School bad Educere Higher Secondary School, baroh na Williamnagar bad ka St. George Higher Secondary School, Samanda.
Ka SEC kala pyntip ba kala lum ia ka jingialang bad ka jingiatai bad kiba don bynta baroh ha ka kam, ka long ban peit iaka jinglong jingman kaba shisha jong ka kam bad ban ioh ia ki jingtip kiba kongsan bad iaka jingpynsngew ha kaba iadei bad ka liang jong ka pule puthi na ki khlieh jong ki jaka pule kiba don ha kylleng jong ka jylla.
 bad pynpaw ba ka pule puthi ha ka jylla ka dang iaid hapdeng ka jingkylla lyngba ka jingsdang pyntreikam iaka National Education Policy, 2020. Kala pyntip ruh ba ka SEC kala shah pynkup bor ha kabna khmih ia ki jingeh kiba la mad da ka Human Resources Development bad ka sorkar Meghalaya.){kind=link}