Nongstoin, Iaiong 09 : Ka Khasi Students’ Union (KSU) West Khasi Hills District, hynne ka sngi Balang, kala leit iakynduh ia u Deputy Commissioner ka District ban ud halor ka jingshem jingeh jong kiba bun ki samla pule ba dang shu pass SSLC ba kin ioh jaka pule ha ka District.
Kane ka Seng ki samla pule kala kyntu ia une u Khliehduh ka District ba un thaw lem iaki lad ki lynti ban lah iarap ia ki samla puleklas XI bad XII ba kin ym duh ban bteng ia ka jingpule da ka jingbym ioh rung klas ha ki jaka pule bapher bapher.
Ha kajuh ka por, kala kyntu ruh ia ka Tnad Pule Puthi lyngba u DC ba kan pynbun shuh shuh ia ki seat pule science ha Sibsing Govt Higher Secondary School, Nongpyndeng, kaba don tang 20 seat.
Ka seng kala ai jingmut ruh ban kham pynbun shuh shuh ia ki seat ha kiwei pat ki stram da kaba pynkha ia ki kamra klas bad thung shuh shuh ia ki nonghikai khnang ban weng noh ia ka jingeh jong ki samla pule khamtam kito kiba wan na ki longiing kiba dun aka jingioh.
 West Khasi Hills District, hynne ka sngi Balang, kala leit iakynduh ia u Deputy Commissioner ka District ban ud halor ka jingshem jingeh jong kiba bun ki samla pule ba dang shu pass SSLC ba kin ioh jaka pule ha ka District.){kind=link}