Shillong, Iaiong 01: U Myntri Rangbah ka Jylla Conrad K. Sangma u la ong ba ka Sorkar Jylla ka shimkhia ban iakren bad ka Sorkar Pdeng haba iadei bad ka jingdon kiba pyrshah ia ka jingrwai Vande Mataram ha ki jingialang ne program Sorkar daka ba pynshai ba ka rukom ban rwai ka dei shi bynta ban bud ia ka hukum ba la pynmih da ka Sorkar Pdeng.
“Ha ka jingshisha kane ka dei ka mat kaba la mih ha ki por ba la dep. Ngi la iakren ruh ia kane hynrei ka dei ka hukum kaba la don lupa (Standing Order) kaba la wan na ka Sorkar India bad ka dei ka hukum kaba ong ba man la ka por ba u Lat u don, dei ban rwai iaka jingrwai Vande Mataram bad ia kane la bud ryntih ha baroh kawei ka ri” la ong u Conrad.
