spot_img

Iakhih ki nonghikai ba kynnoh tah sia lieh ha ka kam thung nonghikai

Date:

Share post:

Shillong, Risaw 31: Ki nonghikai bala pyndep iaka eksamin MTET hynrei kiba shah kynthup haka jingkynnoh pyndonkam sia lieh hynne ka sngi nyngkong ki la sdang biang ban iakhih da kaba shong kyllain mongor hakhmat ka ophis MBOSE.

Kine ki nonghikai kila mih madan biang ban iakhih namar ka jingai por jong ki ba ar taiew ia ka sorkar jylla ban thungkam biang ika la kut naduh 28 tarik mynta u bnai.

Lah ban kdew ba kine ki nonghikai Ki dei kiba shah weng kam noh ha u snem 2014 na ki 5 tylli ki centre hadien ka jingshah kynnoh ba ki don bynta lang haka jingpyndonkam sia lieh lane (White Ink).

Haba kren bad ki katto katne ngut ki Nonghikai ba iakhih mynta ka sngi kila pynpaw ba kane ka jingleh ka sorkar ban wengkam iaki ka pynsah um dum namar kim don jingtip halor ka jingshah kynnoh pyndonkam sia lieh.

Kine ki nonghikai kila kyntu ia ka sorkar jylla ba kan peitbha bad ban bishar bha ia ki kot ki sla jong ki ba shah wengkam namar kim hun ban shu duh ia ka kam kaba kila pynkhreh bha ban ioh.

“Ngi kyntu ia ka sorkar jylla ban thungkam biang iaki kumba ka la thung biang ia kiwei namar ngi la pas ia ka eksamin MTET bad ka Interview bad katkum ki kyndon thep kam nonghikai” la ong iwei na ki nonghikai ba iakhih.

Share post:

spot_img
spot_img

Popular

More like this
Related

Assam | Nang pyrkhing ka Sorkar ia ka rule Aadhaar ban tehlakam ia jingwan rung ki mynder 

Guwahati, Naitung 1: Ka sorkar Assam ha ka sngi...

Pyniap u runar iala ka samla barim hakhmat u Kpa da kaba siah ryndang

Shillong, Jylliew 30 : Kawei ka samla lud kala...

Aibor ka UDP ha u President ban shim rai ban thung Gen Secretary thymmai

Shillong, Jylliew 30 : U Nongialam ka UDP bad...