Shillong Rymphang 14: Ka District Legal Services Authority (DLSA), North Garo Hills, hapoh jong ka NALSA ASHA SOP bad Bal Vivah Mukt Bharat initiative, hynne ka sngi Saitjain kala pynlong ia ka Rally ha Mendipathar ban pynsngewthuh ia ki paitbah ban kiar na ka jingpyniashong kurim khynnah.
Ia kane ka rally ne jingiaid paitbah la plie da u Deputy Commissioner, Dr. Abhishek Saini bad la iashimbynta da ki dkhot jong ka Royal Northern Riders, ki khynnah skul, nonghikai na ki skul bapher bapher, ki heh jong ka DLSA, ki pulit bad na ka Tnad Social Welfare (Child Protection Unit).
Hashwa ban pynlong ia ka jingiaid paitbah, u District & Sessions Judge u Balaram Joshi, ula pynpaw halor ki jingeh kiba bun bad khamtam ka jingshah pynshitom ha ki kyndon aiñ ia ka jingpyniashong kurim khynnah.
Ula pynsngewthuh ia ki paitbah ia ka rta kaba lah ban iashong kurim bad ka banjur ba ka imlang sahlang kadei ban donlang ia ka jingkitkhlieh ha kaban iada na katei ka rukom leh.
Ia kane ka Rally la sdang na District & Sessions Court, Mendipathar bad la pynkut ha madan jongka Dilma Higher Secondary School, ha kaba ki nongiashimbynta kila rah ia ki jingthoh bad ki bannar, kiba thoh “Em ia ka jingiashong kurim khynnah”, “Ai ba ki khynnah kin don ia ka jingangnud ym ban iashong kurim”, “Ka jingpyniashong kurim khynnah kadei ka kam sniew” kum shi bynta ban pynsngewthuh ia ki paitbah bad ban iada ia ka hok jong ki khynnah.
Kane ka sienjam kadei da ka jingthmu ban pynsngewthuh ia ki paidbah, ban pynshlur ia ka jingiashimbynta lang jong ka imlang sahlang bad ban pynkhlain ia ki jingpyrshang ban rat dyngkhong ia ka jingpyniashong kurim khynnah ha ka
district.
, North Garo Hills, hapoh jong ka NALSA ASHA SOP bad Bal Vivah Mukt Bharat initiative, hynne ka sngi Saitjain kala pynlong ia ka Rally ha Mendipathar ban pynsngewthuh ia ki paitbah ban kiar na ka jingpyniashong kurim khynnah.){kind=link}