Nongstoin, Naitung 04 : Ki paid riewngeit Catholic jong ka Nongstoin Diocese, kila pynlong ia ka jingiaid rally wad jingsuk hynne ka sngi Ba-ar ha Nongstoin, ba kyrpad ia ki nongshongshnong ka Manipur ba kin sangeh noh ia ki kam iaumsnam namar ka jingsngew iapher Jaidbynriew.
Ha kane ka rally la iashimbynta naduh ki Phadar, ki Sister, ki nongialam Niam bad ki riewngeit naduh ki Longkmie, ki Rangbah bad ki Khynnah skul.
Ia kane ka rally la pynsdang na Ladweitang bad ki nongiashimbynta kila iaid sha Iew Nongstoin bad pynkut ha madan New Nongstoin. Ki nongiashimbynta kila rah ruh ia ki placard kiba don ia ki jingthoh ba kyrpang ia ki nongshongshnong ka Manipur ba kin sangeh noh ia ki kam iaumsnam bad ban ailad ia ka jingsuk ba kan wanphai pat hapoh ka Jylla.
Ha madan Nongstoin, la pynlong ia ka jingialang bad ka jingiaduwai kyrpang na ka bynta ka jingsuk ha Manipur.
Pule lang ia kane:Â Manipur: Shah wiang ding ka Iing u Nongaiktien ka KNO ha ki runar ha Churachandpur
