Shillong, Iaiong 13: Ki bor Pulit bad ki CRPF hynne ka sngi Saitjaiñ kila pynlong ka jingiaid kjat ha Nongbah Shillong ban pyni sha ki paidbah ba ka elekshon ka ban long ha ka 19 tarik u Iaiong kan long kaba laitluid, kaba khud ba suba bad kaba shngain.
Ia kane ka jingiaid kjat la pynlong ruh kum shi bynta ban pynskhem ba ki bor pahara ki lah ban tehlakam ia kano kano ka jingkulmar kaba pyrshang ban thaw da kino kino ki riewshimkabu bad ban pyni ba ki bor khmih ki don ban ai ia ka jingshngaiñ bad ban pynneh iaka shongsuk shongsaiñ.
Lah ban kdew ba dang shen kala don ka jingshah pyniap nongbylla bar Jylla ha Ichamati bad Mawlai, ha kaba kane ka lah ban wanrah ka jingbym shngain iaki paidbah khamtam mynta bala jan ka sngi thep Vote.
Ia kane ka jingiaid kjat ki bor Pulit bad ki CRPF kala sdang na ophis treikam Superintendent of Police (SP) ka East Khasi Hills bad kila iaid sha ki thaiñ Laitumkhrah ter ter shaduh Rynjah.
La iathuh ruh ba kane ka jingiaid kjat ki bor Pulit bad CRPF kan iai bteng ha ki sngi ban bud haduh ka sngi Thep Vote.
