Shillong, Rymphang 04: Ka Shillong Lajong kala sdang iaka jingiakhun ia ka I-League da kaba mad iaka jingrem da 1-0 ha ka Inter Kashi kaba la long ha ka SSA Stadium, Shillong ha ka sngi Saitjaiñ.
Ka Lajong kala sdang ia kane ka jingiakhun da kaba ialehkai bha ha kaba kala ioh bat bha iaka kol ha shi linter jong ka jingiakhun hynrei ha ka minit kaba 23 u nongialehkai shakhmat jong ka Inter Kashi u Gianni Miguel Dos Santos ula ioh ioh ban thep ia ka kol.
Hadien kane, ki nomngialehkai ka Lajong kila bteng beit ban ialehi bha bad ban thaw iaki lad ban ioh ban pynphai ia katei ka shi kol hynrei wat hapden gak jingioh ia kiba bun tylli ki kabu kim shym la lah satia ban pynkhih iaka jar bad kane ka jingiakhun kala kut noh da ka jingioh khur 3 point ka Inter Kashi.
Kane ka jingjop kala pynlong iaka Inter Kashi ban kiew sha ka kyrdan kaba hynriew ha kaba kala ioh khur 18 point na ki 12 tylli ki jingiakhun, da kaba jop 5 sien, iakhaid 3 sien bad rem 4 sien.
Ka Inter Kashi mynta ka don ha ka kyrdan kaba 6 katba ka Lajong kala neh beit haka kyrdan kaba 5 da ka jingioh 19 point na ki 12 tylli ki jingiakhun.
Ka Lajong mynta kan pynkhreh ban iakhun pyrshah ia ka Gokulam Kerala ha ka 12 tarik u Rymphang ha EMS Corporation Stadium, Kozhikode.
