Shillong, Nohprah 07: Ka Shillong Lajong FC kan iakhun pyrshah ia ka Rajasthan United ha ka lympung ialehkai Football jong ka I-League kaban long ha ka Sngi u Blei ha ka por 4:30 janmiet ha SSA Stadium Shillong.
Ha ka jingialehkai kaba khatduh ka Lajong ka laiakhiad bad ka Inter Kashi DA 0-0 hynrei ka Rajasthan United kala mad ia ka jingshah rem ha ka Sreenidi Deccan FC.
Haba iakren bad ki nongpathai khubor hynne ka sngi Saitjain, u Head Coach ka Lajong u Jose Carlos Rodriguez Hevia ula pynpaw ba na ka rukom ialehkai pyrshah ia ka Inter Kashi, kumta u khmih lynti ba ki rangialehkai ka Lajong kin ioh ban khur ia ka 3 point ha kane ka samoi ialaehkai kaba mynta, hadien ba ka Lajong kala khur 2 point da ka jingiakhaid arsien bad kala mad ia ka jingrem shisien.
U Jose ula pynpaw ruh ba u kwah ban sakhi ba ki rangialehkai kin ialehkai bha hakhmat jong ki paid nongkyrshan kiba wan ban ai mysniem bad kyrshan ia ka Shillong Lajong.
Ka Rajasthan United kala iakhun 3 sien bad kala ioh khur 3 point da kaba jop shisien bad mad iaka jingrem arsien.
Ia ki ticket lah ban ioh na ka Electronic Centre (Police Bazaar), Cafe Shillong (Laitumkhrah) bad na ka jaka die tiket ha SSA Stadium ha ka nsgi ba long ka jingialehkai.
Ia kane ka jingialehkai yn pyni ruh ha ka Sony Sports 2 Channel, SSEN mobile app & ssen.co website.
