Shillong, Nailur 10: U Deputy Commissioner ka East Jaintia Hills, u la kyntu iaki paidbah khamtam iaki ba niah kali ban long kiba phikir bad bud ryntih iaki bor pyniaid kali haba iaid lyngba ki jingkieng haka surokbah NH-6.
Kane ka jingbthah ka wan namar ba la ioh jingtip ba ba ki jingkieng haka surokbah NH-6 haki bynta ki shnong Tongseng Sonapyrdi, Pyrtakuna, Umkiang bad Rattacherra kiba hap hapoh ka Lumshnong C&RD Block, kila tor bad ki lah ban buh jingma iaki paidbah khamtam iaki kali ba iaid na kine ki jingkieng.
La pyntip ruh ba la bthah ia u Project Director ka National Highway Authority of India (NHAI) Meghalaya ban maramot mardor ia kine ki jingkieng kiba dei ki jingkieng kiba donkam bha iaka thain.
