Shillong, Nailar 21 : U Deputy Commissioner ka Ri-Bhoi District, ula kyntu ia ki paidbah kiba sah shathem jong ka Wah Umiam ba sharum jong ka Pung Umiam, ba kin husiar bha ialade namar ka lah ban don ka jingpyllait um ha kano kano ka por na ka pung Umiam.
U Deputy Commissioner uba dei ruh u Chairman ka District Disaster Management Authority (DDMA), ula pyntip ba ka jingdon um ha ka pung umiam kala kiew haduh 3209.68 phut kat haduh ka 13 tarik Nailar 2024.
Ula pyntip ba ia ka um na ka pung Umiam yn hap ban pyllait ha kano kano ka por lada don ka jingther u slap ha kine ki sngi ban wan.
Ula ong ba ki briew kiba sah sharum jong ka Dam Umiam, la kynti ba kin husiar bha ialade bad ba kin kiar na ka jingiatur shajan ka wah khnang ban lait na kino kino ki jingjia kiba sngewsih.
Ula kyntu ruh ba lada don ka jingshlei u, ki briew ki dei ban pynjngai ialade na ki post elektrik lane ki sainar elektrik ban lait na ki jingma.
, ula pyntip ba ka jingdon um ha ka pung umiam kala kiew haduh 3209.68 phut kat haduh ka 13 tarik Nailar 2024.){kind=link}