Shillong, Iaiong 17 : U Deputy Commissioner (Election) ka East Khasi Hills, ula bthah ia baroh ki jaka pule ka Sorkar bad ki riew shimet ba kin khang sam ha la 18 tarik Iaiong namar ba ka dei ka sngi ba iaid ka ieng ki kynhun pyniaid elekshon hapoh ka 1-Shillong Parliamentary constituency.
Ha ka hukum ba pynmih hynne ka sngi Balang, u DC ula ong “Namar ka General Election sha ka Lok Sabha 2024, uba soi kyrteng harum u bthah ia baroh ki jaka pule ka Sorkar bad shimet/ ki skul /College/ITI kiba hap hapoh ka Shillong Urban Area kin khang khyrdep ha ka 18 tarik Iaiong 2024 namar ka dei ka sngi ia iaid ia ieng jong ki kynhun pyniaid elekshon hapoh ka 1-Shillong Parliamentary constituency”.
Ula ong “U District School Education Officer ka East Khasi Hills District bad baroh ki Principal/Registrar/ki bor pyniaid jong ki jaka pule kin hap ban pyntreiam ia kane ka hukum”.
