Shillong, Naiwieng 28 : U Acting Vice Chancellor Prof N Saha, ula pynmih ia ka hukum ban khein iap noh ia baroh ki hukum bad ki jingpynbna bala pynmih da u Vice Chancellor Prof PS Shukla bad Registrar Col Omkar Singh.
Kat kum ka circular bala pynmih dau Acting VC, la ong “Kumba phi iatip ba u Prof PS Shukla (Vice Chancellor) ula shim shuti naduh ka 15 tarik Naiwieng hadien ba thung ia ka Inwuiry Committee ba arngut ki dkhot da ka Ministry of Education ban tohkit ia ki jingkynnoh pyniaid kam bakla bad jingbym ler treikam hapoh ka University. Nalor kane u Col Omkar Singh (Registrar) ruh ula shim shuti naduh ka 3 tarik Naiwieng, 2024”.
Hadien kane, uba soi harum kum u Professor bala rangbah duh hapoh ka University ula shimti ban khmih ia ka University kum u Vice Chancellor kumba la pynkup bor da ka University Act bad Statutes bad ka Kong B Rynjah, Joint Registrar kala shimti kum ka Registrar Incharge.
“Namar kata, halor kine kiei kiei, kino kino ki hukum/jingpynbna bala pynmih da u Prof PS Shukla bad Col Omkar Singh ha ka bor kum u Vice Chancellor bad Registrar ha ka por ba ki shim shuti, lah ban khein ba khlem ioh bor ne khein iap noh” ong u Prof Saha.
 ula shim shuti naduh ka 15 tarik Naiwieng hadien ba thung ia ka Inwuiry Committee ba arngut ki dkhot da ka Ministry of Education ban tohkit ia ki jingkynnoh pyniaid kam bakla bad jingbym ler treikam hapoh ka University.){kind=link}