Shillong, Nailur 10: Ka Iingkashari District & Sessions Judge jong u NA Khan ka la rai pynrem ia u Dros Pakem halor ka kam bymman ba lam sha ka jingiap u briew hynrei ka bym khein pat kum ka kam pyniap briew.
Ha ka rai ba la pynmih ha ka 10 tarik Nailur, ka Iingkashari ka la rai pynrem ïa u Dros Pakem da kaba set phatok ar snem bad dain kuna kaba T.5,000.
Kane ka Case ka dei kaba naduh ka 23 tarik Naitung 2011, ha kaba la kynnoh ba u Dros Pakem, ula tied iala u para jong u, u Dao Pakem, na ka khlieh, da ka lyngknot dieng haka shnong Mooralong kaba hap ha Jowai.
Katei ka jingjia ka la jia ha ka por 10:00 mynmiet eiei, ha kaba u Dao Pakem u la mynsaw jur bad ula khlad noh ha ka sngi kaba bud katba dang pynkit ia u sha Civil Hospital, Jowai.
Ïa kane ka case la Register ha Jowai Police Station hapoh ka FIR No. No. 103(7)11, jong ka kyndon Section 302 IPC (murder)
Ia kane ka jingtohkit la lamkhmat da u SI E. Pohchen.
