Nongstoin, Lber 14 : Ka Iingkashari Special Judge (POSCO) West Khasi Hills, kala hukum ban set phatok haduh 30 snem ia u runar uba donkti ban leh beijot ia iwei I Khynnah ha u snem 2020 hapoh ka Shnong Dalbot, West Khasi Hills.
Ka Iingkashari kala pynmih ia kane ka hukum ha ka 7 tarik Lber haba shong bishar ia ka Shallang PS Case No 19 (07) 2020 bala pynngat hapoh ka kyndon 5(m) 6 jong ka POSCO Act.
Kat kum ka hukum, une u runar u dei uba la tip kyrteng u Agustine Momin ba ju khot sin u Rajesh G Momin uba la leh ia kane ka kam bymman ha ka 31 tarik Naitung 2020.
Ka Iingkashari kala pynngat shong phatok haduh 25 snem ia une u runar bad ka kuna ba T.30,000 kat kum ka kyndon 6 haba buh kyndon ruh ban set along sa 3 bnai lada um lah ban siew ia ka kuna.
Ka Iingkashari kala hukum ruh ban set along sa 5 snem bad ka kun aba T. 5000 kat kum ka kyndon 506 jong ka IPC nalor ka jingshong phatok sa shibnai lada um lah siew ia ka kuna.
Kat kum ka jingpyntip u Superintendent of Police ka West Khasi Hills, ki Pulit kila kem mardor ia une u runar mar syn ioh pdiang ia ka jingujor bad hadien ka jingtohkit kaba bniah bha, ka Iingkashari kala ai ia ka hukum kaba iahap bad ka jingpynsajia ia utei u runar.
