Shillong, Jymmang 18 : Ka Iingkashari Special Judge (POCSO) kala hukum ban set phatok haduh 65 snem bad ka kuna ba T. 51,000 ia uwei u briew uba pynarmet ia kawei ka Khynnah ba dang 13 snem ka rta.
Ia kane ka jingjia la mudui da ka Kmie jong kane ka Khynnah hapoh ka Nongstoin Police Station ha ka 23 tarik Naitung, 2020 bad ia une u briew ba leh ia kane ka kam bymman la tip kyrteng da u Brightstarwell Kharbani.
Ki Pulit kila kem ia une u briew bad pynngat ia une u briew hapoh ka kyndon 5 (n)/6 jong ka POCSO Act ba la pynkhamti ia ka jingtohkit ha ka WPSI DP Nongbri jong ka Nongstoin Women Police Station. Ia kane ka case la chargesheet da ka IO hapoh ka kyndon 505 IPC pule lang bad ka 5(j)(ii)(l)(n)/6 jong ka POCSO Act.
Ka Iingkashari POCSO haba bishar ia kane ka kam bymman, ha ka 11 tarik Jymmang 2023, kala pynmih ia ka hukum ban set phatok ia u Brightstarwell haduh 25 snem lem bad ka kun aba T. 50,000 kum ka jingpynsajia kat kum ka kyndon 6 jong ka POCSO Act.
Nalor kane, kala hukum ruh ban set phatok sa 1 snem bad ka kyna ba T.1000 kum ka jingpynsajia kat kum ka kyndon 506 IPC.
