Shillong, Nailar 18: Ka Sorkar Jylla ha ka sngi Balang kala hukum ia baroh ki Skul ba ki dei ban khang pyrshah ia ki khynnah skul ba dang hapoh ka rta (underage) ba kin wan skul da ki kali.
Kane ka hukum ka lah mih na i Kong M Lyngwa, i ba dei i District School Education Officer ka East Khasi Hills, Shillong.
Ine i Ophisar i la phah da ka shithi sha baroh ki Principal, Headmistress, Headmaster jong ki skul Secondary bad Higher Secondary kiba don hapoh ka District.
Kat kum ka jingong jong i, kane ka dei kat kum ka hukum jong ka Supreme Court Committee on Road Safety (SCCoRS).
