Shillong, Jymmang 22: Ka Sorkar Jylla kala rai ban pynkynriah noh ia ki nongdie jingdie ha ki lynti iaid (Right of Way) kiba don harud ka surokbah Shillong-Dawki ba dang shu shna thymmai, haba kdew ba ka buh jingma ia ki paidbah bad ki kali kiba iaid ba ieng.
Ia kane ka rai la shim ha ka jingialang ba la pyniaid da ka Deputy Commissioner (Revenue) ka East Khasi Hills Kong RM Kurbah ha ka 15 tarik Jymmang.
Ia kane ka jingialang la khot hadien ba u Manager (P), ka NHIDCL, PMU-Mylliem, u la pynpaw ia ka jingsngewkhia halor ka jingdon kiba shong die jingdie ha bun tylli ki lynti iaid (ROW) naduh Rilbong Point haduh 3 Mer Shiteng bad 7 Mer Upper Shillong.
U Manager ula pynpaw ruh ia ka jingsngewkhia halor ka jingbuh ia ka jaka pynieng kali ha Rilbong Point.
“Namar ba kane ka jingkyntur pud ha surokbah ka lah ban wanrah jingma kaba khraw ïa ki paidbah, ki nongdie jingdie kumjuh ruh iaka jingïaid ki kali, ha ka jingïalang la rai ba ki Ophisa ka tnad Pulit, ka PWD (Roads), NH Division Shillong bad ka NHIDCL ki dei ban ïatreilang ban pynkynriah ïa ki nongdie jingdie haka Sngi Thohdieng”.
Ban pyntreikam ia katei ka hukum, la bthah ia ka NHIDCL ban buh dak ha kine ki bynta jongka surok.
Ka Ophis Superintendent of Police (Traffic) kan buh ia ki jingker ban pyrrking ia ka jingieng kali hapoh ka bynta ROW bad ban buh ia ki pulit ha ka jaka.
“Ka jingïalang ka la rai ruh ba ka NHIDCL, PWD (Roads) NH Division, bad ki Pulit kin ïatreilang ban weng iaki nongdie jingdie hadien ba la dep ai jingtip sha baroh” ong ka kyrwoh.
Ka surokbah Shillong-Dawki ka dei ka surok kaba kongsan bad ki heh Sorkar ki la ban jur ba ka jingkyntur pud ka pynthut iaka iaid ia ieng ki kali bad ka buh jingma ïa ki nongleit nongwan.
 kiba don harud ka surokbah Shillong-Dawki ba dang shu shna thymmai, haba kdew ba ka buh jingma ia ki paidbah bad ki kali kiba iaid ba ieng.){kind=link}