Shillong, Naitung 10: Ka National Green Tribunal (NGT) Eastern Zone Bench, kala hukum ia ki 31 tylli ki karkhana coke ba beain ha East Jaintia Hills, ba kin siew ia ka kuna ba Kot T. 4.75 klur sha ka Sorkar Meghalaya namar ka jingtreikam khlem ka jingbit na ka Meghalaya State Pollution Control Board (MSPCB).
Ka NGT kala bthah ruh ia ka Sorkar Jylla ba kan shna ia ki kyndon ki ban pynngat ia kine ki karkhana ba seng beain” ong u B Amit Sthalekar, Judicial Member ka NGU bad u Saibal Dasgupta u riewstad ain ha ka hukum ba la pynmih haba pyntip ba ka kuna ia kine ki karkhana coke ka dei halor ka jingpynjulor ia ka mariang da ka jingbym bud ryntih ia ki ain ki kanun.
Ha kane ka hukum, ka NGT kala bthah ia ka Meghalaya State Pollution Control Board ba kan peitngor ia ki karkhana coke bad ban leit talasi ia ka jingpyntrei thikna ne em ia ki kyndon ban iada mariang bad ban pynngat ruh ha ki kyndon ain ia kiba ialeh pyrshah.
Ka MSPCB ha ka affidavit bala ai sha ka NGT, kala pyntip ba kala leit jurip ba kyndit kyndit sha kitei ki 31 tylli ki karkhana bad kala dep ruh ban ujor ia kane ka kam sha ka District Council jong ka East Jaintia.
Na kine ki 31 tylli ki karkhana, ka Ms Meghalaya Minerals kala ngat ia kaba heh duh ka kuna kaba kot haduh T. 51,70,000/- bud sa ka M/s East Jaintia Coke, ka M/s Safari Coke, ka M/S SD Coke Indus, ka M/S Jaintia Coke Industries (Chimney II), ka M/s Vivan Associate bad M/s Sutnga Fuels kiba la hap ban siew ia ka kuna ba kot haduh Rs.3,70,000/-.
Kiwei pat ki karkhana kiba hap ban siew ia ka kuna ki long ka M/s Sauryansi Coke kaba hap ban siew T.25, 90, 000/- , M/s Royale Born Associate Coke T. 29,90,000/- ,M/s R.S Petro T.29, 90, 000/- , M/s Magic Coke T.19, 90, 000/-, M/s JMK Coke Industries Pvt. Ltd T. 23,50,000/- , M/s HMP Coke T. 25,90,000/- M/s Halari Coke T. 4, 10, 000/- , M/s Barbarik Coke Industry T.8,20,000 bad M/s Druk Fuels Limited T. 30, 00, 000/-
Ka M/s Presidium Breez, M/s Umthe Carbon, M/s Hynniewtrep Fuels, M/s S.S Coke, M/s Shree Jii Carbon bad M/s MM Minerals kila ngat ha ka kuna kaba mar T.10, 000/-, ka M/s Meghalaya Coke (Chimney-II), M/s Kamakhya Carbide Pvt. Ltd, M/s SK Coke Industry bad M/s SM Coke kila ngat mar Rs.8,20,000/, katba ka M/s Megha Coke bad Ms Malang Coke kila ngat mar T.29, 90,000/- , M/s DK Coke bad M/s SSS Coke Industries mar Rs.29,90,000/- ,
