-->

Hukum ka Kashari ban set phatok shirta jingim ia u nongleh beijot khynnah

Date:

Share post:

Shillong, Nailar 25 : Ka Iingkashari Special Judge (POCSO) ka East Khasi Hills Kong R Rymbai, kala hukum ban set along shirta jingim ia u runar uba leh beijot khynnah ha u snem 2021 ha ka thain Pynursla.

Une u runar u kyrteng u Lovingstar Binan uba la shah kem ha ki Pulit Pynursla Police Station, kiba la register case ia u hapoh ka kyndon 323/506/376AB/377IPC pule lang bad ka kyndon 6 jong ka POSCO Act.

Ka Iingkashari kaba la pynmih hukum ha ka 22 tarik Nailar, kala hukum ban set phatok shirta jingim ia une u runar hapoh ka kyndon 6 jong ka POCSO Act lem bad ka kuna ba T.10,000 bad lada um lah ban siew ia ka kuna, un hap shong phatok sa 6 bnai.

Kala hukum ruh ba hapoh ka kyndon 377 IPC ban set phatok ia u shirta jingim lem bad ka kun aba T.10,000 bad lada ym lah siew, un hap shong phatok sa 6 bnai.

Hapoh ka kyndon 506 IPC, la hukum ban set phatok 5 snem bad ka kuna ba T.5000 bad lada ym lah siew, un hap shong phatok sa 3 bnai.

Hapoh ka kyndon 323 IPC, la hukum ban set along 6 bnai bad ka kuna ba T.1000 bad lada um lah siew, un hap shong phatok sa 2 bnai.

Ia kane ka case la tohkit da ka WPSI Shidarisha Kharsati kaba don mynta ha Lumdiengjri Police Station.

Share post:

-->
spot_img

Popular

More like this
Related

Pynshai u Myntri ba sam ia ka bhah pule MBBS ka Jylla kat kum ka SOP

Shillong, Risaw 06 : U Myntri ka Koit ka...

Assam | Pyntip u CM ban iasoh ki Assamese ba na Singapore ha ka jingtohkit ba iap u Zubeen Garg

Guwahati, Risaw 6: U Myntri Rangbah ka Assam Himanta...

Pan por ka SRS-Umrang Area ban iakynduh ia u CM

Shillong, Risaw 06 : Ka Synjuk ki Rangbah Shnong...