Shillong, Naitung 31 : Ka Iingkashari ka Special Judge (POCSO) Kong MK Lyngdoh, kala hukum ban set phatol 7 snem lem bad ka kuna ba T.30,000 ia uwei u briew uba donkti ha ki kam leh beijot ia khynnah.
Une u runar u kyrteng u Stevenson Nongsiej ba khot sin u Steve, uba la shah kem ha ki Pulit ka Rynjah Police Station bad shah pynngat hapoh ka kyndon 5(g)/6 jong ka POCSO Act pule lang bad ka kyndon 366 A ka IPC.
Ka Iingkashari kala hukum ban set ia une u runar haduh 7 snem bad T.30,000 ka kuna kat kum ka kyndon 4 jong ka POCSO bad lada ym lah siew, un hap shong along sa 4 bnai.
Kane ka Iingkashari kala hukum ruh ban set along 3 snem shiteng ia u Tasparsing Lyngdoh Lyngkhoi ba khot sin u Bahduh namar ki kam bymman kat kum ka kyndon 18 jong ka POCSO Act.
Ia kane ka case la tohkit da ka WPSI S Wanshong kaba trei mynta kum ka Prosecuting Officer (PI) Shillong Court, East Khasi Hills.
 Kong MK Lyngdoh, kala hukum ban set phatol 7 snem lem bad ka kuna ba T.30,000 ia uwei u briew uba donkti ha ki kam leh beijot ia khynnah.){kind=link}