Haba bishar ia ka mukotduma ki nongtrei casual pyrshah iaka EC ka VPP
Shillong, Naiwieng 18 : Ka Iingkashari Meghalaya High Court kala bthah ia ka Khasi Hills Autonomous District Council (KHADC) ba kan pynkhreh ia ka thup kaba bniah bha jong ki sanction post bad ki nongtrei, kynthup ki nongtrei casual, kiba trei ha ki kyrdan bapher bapher hapoh ka shitaiew.
Ia kane ka hukum la pynmih da ka Iingkashari kaba khlieh da u Justice HS Thangkhiew hadien ba shong bishar ia ka mudui jong ki palat 30 ngut ki nongtrei kiba iakhun pyrshah ia ka hukum jong ka Executive Committee ka VPP ha KHADC ba pynduh ia ka hukum thungkam pura ia ki.
“Ha ka jingshong bishar, la paw ba ka long kaba donkam na ka bynta ka jingpynkhreh ia ka thup kaba bniah da ka District Council haba iadei bad ka jingdon ki sanction post kiba don bad ka jingdon ki nongtrei ha man ki kyrdan, kiba la thungkam pyrshah ia kine ki sanction post. Ka jingdonkam ka long ruh ban aiti ia ka thup ba iadei bad baroh ki nongtrei ong ka District Council, khamtam ka jingdon ki nongtrei casial kiba shakri ha ki kyrdan bapher bapher” ong ka Iingkashari.
Ka Iingkashari kala aipor shitaiew ia ka KHADC ba kan pynkhreh ia ka thup, ka ban kynthup ruh ia ki jingtip ba bniah jong ki nongtrei Casual kiba trei ha ki kyrdan bapher bapher.
Ia kane ka mukotduma la buh ban shong bishar biang ha ka 1 tarik Nohprah, 2025.
“Ka hukum ba shipor (ba pynsangeh ia ka jingpynduh ia ka jingthungkam pura ia ki nongtrei casual) bala pynmih kham hashuwa kan dang iai treikam tad haduh da pynmih da kawei pat ka hukum” ong ka Iingkashari ha ka hukum.
 ba kan pynkhreh ia ka thup kaba bniah bha jong ki sanction post bad ki nongtrei, kynthup ki nongtrei casual, kiba trei ha ki kyrdan bapher bapher hapoh ka shitaiew.){kind=link}