spot_img

Hukum ka Iingkashari ban tohkit ia ka jingiap u Pulit na Assam ha NEPA

Date:

Share post:

Shillong, Lber 21 : Ka Meghalaya High Court ha ka sngi Thohdieng, kala hukum ban pyndep noh ia jingtohkit hapoh ka 31 tarik Jymmang halor ka jingiap khlem daw jong u Pulit ka Assam ba wan shah hikai pyntbit ha North Eastern Police Academy, Umiam.

Ka Iingkashari ka sha-iong ban iohsngew ba wat hadien laisnem, ka jingtohkit kam pat dep satia, kumta, ym pat shym la file ia ka chargesheet.

Ki bor pulit kila pyntip ba ka jingtohkit ka dang iai bteng bad pyntip ruh ba ka jingtohkit kam bymman kala sdang.

Haba pynwai ia ka writ petition bala mudui da u Birendra Pandit, ka Kashari bala khleh da u Chief Justice I Mukerji kala ong ba ka Iingkashari kam don jingsngew satia ba kan tuklar ia ka jingiaid ka jingtohkit kam bymman.

“Hynrei, haba peit ia ki jingshisha jong kane ka mukotduma, ka Iingkashari ka hukum ba ka jingtohkit ka dei ban dep noh hapoh ka 31 tarik Jymmang, 2025, ka ban lam sha ka jingfile ia ka chargesheet hapoh ka Iingkashari ba tian bishar” ong ka Iingkashari.

“Hadien kata, ka iingkashari ba tian bishar kan pyniaid ia ka jingbishar kat kum ka ain bad ban pyndep noh kloi kat kum ka jingshah jong ka kam ka Iingkashari” kala ong.

Lah ban kdew hangne ba kane ka jingjia kala jia ha ka 9 tarik Lber, 2022.
Kat kum ka jingiathuh na kawei ka liang, une u Pulit ba wan na Assam ula ngam jyllop hapoh ka swimming pool jong ka Academy.

Hynrei kat kum ka jingong ki bahaiing hasem kiba la ujor ia ka ejahar, ki don haduh 29 ngut ki pulit hajan jong une u Pulit ba iap ha ka por ba jia kane ka jingjia bad kumta kim lah satia ban pdiangbaun iap jyllop.

Share post:

spot_img
spot_img

Popular

More like this
Related

Pynkhreh ka Meghalaya ban shna ia ka “Cantilever Skywalk” ba jrong tam ka ri India ha Mawkdok

Shillong Jylliew 23: Ka jylla Meghalaya kala pynkhreh shaid...

Shen yn rai ka Sorkar ban pynkynriah iaki Longiing na Them Metor

Shillong, Jylliew 23 : U Symbud Myntri Rangbah ba...

Thalain u DyCM ia ka VPP | Wad ia ka jingshisha, Wat shu kynnoh lamwir ia ka Sorkar

Shillong, Jylliew 23 : U Symbud Myntri Rangbah ka...

Manipur | Kem ki Pulit ia u Nongialam ka Arambai Tenggol ha Imphal West

Imphal, Jylliew 23: Ki pulit ka jylla Manipur kila...