Shillong, Iaiong 03 : Ka Iingkashari u Special Judge (POCSO) ka Eastern West Khasi Hills, kala hukum ban set phatok ia arngut ki nongleh beijot khynnah, kiba leh ia kane ka kam bymman hapoh u pud ka Mairang Police Station ha u snem 2023.
Kat kum ka jingiathuh u Superintendent of Police ka Eastern West Khasi Hills, uwei na kine ki runar ba shah pynsajia u kyrteng u Buksar Lyngdoh Lyngkhoi ba 37 snem ka rta, uba dei naka shnong Donbahkseh, Eastern West Khasi Hills bad uwei pat u dei u Phrangsngi Ryntathiang ba 27 snem ka rta, uba dei na Dongkiingding.
U iathuh ba ha ka 4 tarik Kyllalyngkot 2023, ki Pulit kila iohpdiang ia ka ejahar ba u Buksar ula leh beijot ia iwei I Khynnah bad ia kane ka case la register ha Mairang Police Station hapoh ka kyndon 363 IPC ba pura lang bad kyndon 5 (k)(i)/6 jong ka POCSO Act.
Ia kane ka kam bymman la tohkit da ka WPSI B Nongrang jong ka Mairang Police Station.
Ka Iingkashari u Special Judge M Kumar, kala rai pynrem ia u Buksar bad hukum ban set phatok haduh 20 snem ryngkat ka kun aba T.15000 bad lada ym lah siew, un hap shong sa 6 bnai ha phatok.
Une u Heh Pulit u iathuh ba u Phrangsngi Ryntathiang pat ula shah kem halor ka ejahar bala iohpdiang ha ka 4 tarik Naitung 2023 ba u jrong kti bad leh khlem akor ia iwei I khynnah.
Ia kane ka kam bymman la register case ha Mairang Police Station hapoh ka kyndon 506 para I IPC ba pule lang bad ka kyndon 5 (n)/6 jong ka POCSO Act. Ia kane ka case la tohkit da ka WPSI A Thongni.
Ka Iingkashari u Special Judge M Kumar kala rai pynrem ia u Phrangsngi bad hukum ban set phatok haduh 3 snem bad ka kuna ba T. 10000 bad lada ym lah siew, un hap shong phatok sa 6 bnai.
 ka Eastern West Khasi Hills, kala hukum ban set phatok ia arngut ki nongleh beijot khynnah, kiba leh ia kane ka kam bymman hapoh u pud ka Mairang Police Station ha u snem 2023.){kind=link}