Nongstoin, Nailar 2026 : Ka Iingkashari Special Judge ( POCSO) ka West Khasi Hills, kala hukum ban set phatok haduh 20 snem ia u nongleh beijot ia ka samla 17 snem kat kum ka case bala register hapoh ka Shallang Police Station.
U Superintendent of Police ka WKH, u pyntip ba ha ka 2 tarik Naitung, 2024, ki Pulit kila ioh pdiang ia ka ejahar ba kynnoh ba kawei ka khynnah 17 snem kala shah leh beijot ha uwei u briew ba kyrteng u Romius Mawsor. Ki Pulit kila register case pyrshah ia une u briew hapoh ka kyndon 4/8 jong ka POCSO Act bad ia ka jingtohkit la khlieh da ka WPSI N E Wanniang.
Ka Investigating Officer kala aiti ia ka chargesheet pyrshah ia une u briew hapoh ka kyndon 5(k)/6 jong ka POCSO Act.
U SP u pyntip ba ha ka 19 tarik Nailar 2026, ka Iingkashari hadien ba bishar ia ki sakhi, kala pynrem ia u Romius Mawsor halor ka jingkynnoh kaba hap hapoh ka kyndon 6 jong ka POSCO Act bad hukum ban set phatol 20 snem lem bad ka kun aba T.50,000.
Ka ong ba lada um lah ban siew ia ka kuna, un hap ban shong along biang sa shisnem.
 ka West Khasi Hills, kala hukum ban set phatok haduh 20 snem ia u nongleh beijot ia ka samla 17 snem kat kum ka case bala register hapoh ka Shallang Police Station.){kind=link}