Shillong, Jylliew 23: Ka Iingkashari u Special Judge (POCSO Act) hynnin ka sngi Balang, kala hukum ban set along haduh 5 snem ia u runar uba jrongkti bad leh khlemakor ia kawei ka Heprit ba dang 14 snem ha kawei ka Shnong ha Nongbah Shillong.
Une u runar u kyrteng u Ferdinus Marbaniang uba la shah kem halor ka ejahar bala mudui da ki bahaiing jong ine i Khynnah ha Rynjah Police Station naduh ka 24 tarik Jymmang 2015.
Ki pulit ka Rynjah PS kila register case pyrshah ia une u runar hapoh ka kyndon 10 jong ka POCSO Act bad u Sub Inspector K.D Sangma uba la khlieh ia ka jingtohkit, ula chargesheet ia kane ka case ha ka 8 tarik Lber 2016.
Ka Iingkashari u Special Judge (POCSO Act) kala shem ia u Ferdinus ba u leh ia kane ka kam bymman bad pynngat ia u hapoh ka jingpynshai kat kum ka kyndon 10 jong ka POCSO Act.
Ka Iingkashari kala hukum ban set along ia une u runar haduh 5 snem 3 bnai ryngkat ka kuna ba T3000.
