Shillong, Iaiong 10 : Ka Iingkashari Special Judge (POCSO) ka East Khasi Hills, Kong R Rymbai, kala hukum ban set phatok 14 snem ia arngut ki briew kiba donkti ban leh beijot ia kawei ka khynnah.
Kat kum ka jingpyntip u Superintendent of Police ka District, ia ka ejahar la ioh ban pdiang ha Madanrting Police Station ha ka 30 tarik Nailur 2018, ba kynnoh ba arngut ki briew Kamkhothang Simte bad Thangngin Simte kila leh beijot bun sien ia ka khun jong u nongujor.
Ia ka case la register hapoh ka kyndon 5(1)/6 jong ka POCSO Act pule lang bad ka kyndon 506 IPC.
Hadien ka jingtohkit da ka WPSI P Wahlang, kaba don mynta ha Rynjah Police Station, la kem ia kine ki nongshah kynnoh bad la pyndep ia ka chargesheet ha ka 20 tarik Rymphang 2019.
Ha ka 8 tarik Iaiong 2026, ka Iingkashari kala rai pynrem ia kine ki briew ha ka Special POCSO Case No 47 jong u snem 2019.
“Kine ki arngut kin hap shong phatok 14 snem bad lada kim siew ia ka kuna, kin hap ban shong sa hynriew bnai namar ki kam bymman ba pynshitom kat kum ka kyndon 6 jong ka POCSO Act” ula ong.
U Kamkhothang Simte ula shah rai set phatok ruh sa arsnem bad lada ym lah siew kuna, yn hap shong sa lai bnai ha phatok namar ki akm bymman ba pynsajia hapoh ka kyndon 506 IPC.
 ka East Khasi Hills, Kong R Rymbai, kala hukum ban set phatok 14 snem ia arngut ki briew kiba donkti ban leh beijot ia kawei ka khynnah.){kind=link}