Nongpoh, Rymphang 11: U National General Secretary ka Bharatiya Janata Party (BJP) Tarun Chugh, ula hiar ialap elekshon ka sngi ha Nongpoh bad ula pynsngewthuh ia ki paidbah nongthep vote halor ki thong jong ka Party bad ki kam kiba ka BJP kala leh hapoh ka Ri bad ha Meghalaya ruh kumjuh.
Une u Nongialam ka BJP ula wan sha Nongpoh ban pan jingkyrshan ia ka kyrtong ka ban iakhun ia ka elekshon MLA-2023 na Nongpoh-Kong Marian Maring.
Haka jingkren jong u Tarun Chugh Secretary ka BJP u la iathuh, haka jingialam jong u Myntri Rangbah Duh ka Ri Narendra Modi, u la wanrah ïaki skim ki bapher bapher naka bynta ka jingmyntoi ïaki nongshong shnong jong ka ri, U Prime Minister u ïohi iaki jingeh jong ki paidbah bad u la ialeh ban theh lut ïaki kam pynroi bapher bapher ha baroh kawei ka ri bad kumjuh ruh hapoh ka jylla Meghalaya kiba kynthup Naduh ka ka Um-bam Um-Dih, U khaw Ration bala ai daka sorkar pdeng, ki ïing baduk, ka LPG Gas, PM Kisan bad kiwei kiwei.
U la ong ruh ba kane ka juh ka party ka don ka jingthmu kaba bha tam naka bynta ki paidbah jong ka Nongpoh Constituency bad kyrpad ba ki paidbah kim dei ban bakla, ki dei ban ai ka jingkyrshan kaba pura iaka kong Marian Maring ba kan long ka MLA jong ka Nongpoh constituency ha kane ka Election khnang ba ka BJP ha Nongpoh kan ioh ban pyntrei hok ia baroh ki skim ba ka sorkar pdeng ka ai.
Ha kane ka jingialang kaba la long ha ka Shnong Umbuda lawan ban pynshit pynshngaiñ lang da u Gaganjaiñ chairman State Economic Meghalaya BJP, ka kong Marian Maring Kyrtong ka BJP nongpoh, Paralad Toor State Vice President BJP, ki nongkitkam kiba hakhmat jong ka BJP Nongpoh Mondal bad ki Paidbah Nongkyrshan.
