Shillong, Nailur 27 : U Nongaiktien ka BJP na Assam u Rupam Goswami, hynne ka sngi ba-ar, ula hiar sha Shella ban iashimbynta ha ka jingialang jong ka Mandal Committee, kum shibynta na ka jingpynkhreh ia ka elekshon MLA-2023 ban long ha Jylla.
Ha kane ka jingialang la iadonlang ruh u President ka East Khasi Hills District Bah Tory Kharsati, u President ka Kisan Morcha Justice Syiem, u State Executive Member Gagan Jain bad kiwei kiwei.
U Goswami haba ai jingkren ula pynsngewthuh ia ki nongkitkam ka party halor ki jingmyntoi jong ki skhim bapher bapher ka Sorkar u Narendra Modi, kiba la ai sha ka Jylla Meghalaya.
Ula ban jur ruh halor ka jingpynleit jingmut jong ka Sorkar BJP ban pynroi ia ki shnong Nongkyndong.
Ki Nongialam ka BJP kila pynpaw ia ka jingsngew skhem bad kut jingmut ban iakhun tyngeh ba ka BJP kan wan noh ha ka bor ha ka elekshon ban wan.
