Shillong, Nailur 24 : U MDC ka VPP na Langkyrdem-Laitkroh Bah Shembor Rynjah, ula hiar shuki hynne ka sngi Balang kum u Chief Executive Member (CEM) ka Khasi Hills Autonomous District Council (KHADC).
Kane kala wan jia tang hadien 7 bnai ba shimti ka VPP ban synshar ia ka Executive Committee jong ka Council.
Haba pynthikna ia kane, u Executive Member (EM) bah Powell Sohkhlet ula pyntip ba u Bah Shemborlang ula aiti ia ka shithi iehnoh kam sha u Chairman jong ka KHADC Bah Strong Pillar Kharjana haba pyntip b aka dei n aka daw ba um don hapdeng ka met kaba koit ba khiah.
Namar kane ka jingjia, u Bah Powell u pyntip ba ka Parliamentary Party jong ka VPP kan sa shong jingialang shen ban shim rai halor ka elekshon sha ka shuki CEM ba thymmai ka KHADC.
U Bah Shembor ula shah jied khlem kano kano ka jingiakhun pyrshah ha ka eleksho CEM ba long ha ka 28 tarik Rymphang.
“Wat lada ngim sngewlah pdiang ia kane ka jinghiar shuki jong i, hynrei haba ngi pyrkhat pat ia ka koit ka khiah, ngi la pdiang bad burom ia kane ka rai jong i ryngkat ka jingduwai bad kitbok kitrwiang ba in ioh noh ia ka met ba koit ba khiah” ong u Bah Powell.
 ka Khasi Hills Autonomous District Council (KHADC).){kind=link}