spot_img

Hiar pateng ka kam pyntriem u ‘I Love You’ ha u para, pyniap klep ia u Rangbah

Date:

Share post:

Shillong, Lber 22 : Hadien ka jingiap noh u I Love You Talang, mynta pat sa u Para trai u Meban Talang, ula leh ia ka kam ba pynshongsyier ia ki paidbah da kaba pyniap klep ia uwei u rangbah uba dei na ka shnong Mynsngat, West Jaintia Hills.

U Sambun Dkhar bad u Meban Talang

Ia kane ka kam u Meban Talang la lap hynne ka sngi hadien ka jingkem ki Pulit ia u bad ia uwei u paralok u Sambun Dkhar, halor ka jingsuba ba jah rngai une u rangbah na Mynsngat.

Kat kum ka khubor Pulit, u Meban Talang uba dei u para trai jong u I Love You Talang, hynne ka sngi ula ialam ia ki Pulit ka Nartiang Police Station sha ka jaka ba ma u bad arngut ki paralok, kila bret ia ka metiap jong une u rangbah uba la tip kyrteng kum u Bah Pynkhreh Surong ba 29 snem ka rta. Kane ka jaka ka dei ka riat kaba don harud ka surok bah jong ka thain Lamlyer East Khasi Hills.

Haba iakren bad u para jong u bah Pynkhreh Surong, ula iathuh ba u hynmen jong u, ula jah rngai naduh ka 10 tarik mynta u bnai ha ryngkat bad kawei ka kali Mahindro Bolero Pickup kaba dang thymmai hynrei naka liang ka ïng ka sem kam wad ia u namar ki dang mut ba u don ha ïng ka kurim.

La iathuh ba kane ka jingshah kem u Meban Talang, u Sambun dkhar bad u paralok jong ki, kadei hadien ba la saphriang kane ka khubor hapoh ka shnong ba kine ki 3 ngut kila tyrwa ban die ia kawei ka kali thymmai.

Hadien ka jingsuba ba kane ka kali ka lah ban dei jong u bah Pynkhreh Surong, ki bahaïng hasem kila ujor daka ejahar pyrshah ia kine 3 ngut hapoh ka Nartiang Police Station haka 21 tarik mynta u bnai.

La iathuh ba naka liang ki Pulit tang mar sien ioh kem ia u Meban Talang, u Sambun Dkhar bad ia u paralok jong ki, kila pynlong ka jingtohkit bad hapdeng kane ka jingtohkit kine 3 ngut kila phla ba ki donkti ha kane ka kam pyniap briew.

La suba ba ia kane ka kam sang ban pyniap ia une u rangbah la lamkhmat da u Sambun Dkhar namar udei na kajuh ka shnong bad u tip ba une u rangbah u dang dep sei kali thymmai bad u don katto katne pisa haka por ba u wan kiew sha Shillong.

Haba iadei bad kane, ki bahaïng u bah Pynkhreh Surong kila dawa sdien phasi ia u Meban Talang bad ia u Sambun Dkhar namar kine kidei ki snar pyniap briew bad nongtuh kali bad kidei ruh kiba ia ju donkti lang bad u I Love You Talang ha ki kam sniew.

“Naka liang ka ïng ka sem ka dawa ban phasi syndon ia kine kiba donkti namar kine kidei ki briew kiba ju donkti lang bad u I Love You Talang ha ki kam pyniap briew, kam tuh kali bad kiwei kiwei de ki kam bymman bad khamtam u Meban bad u Sambun kidei kiba la shah kem teng” la iathuh u para jong u bah Pynkhreh Surong.

La iathuh ba kine ki 3 ngut ki pyniap ia u bah Pynhreh Surong daka ba ksih da u tyllai na ryndang bad kila tap da ka blanket daka met hadien ba kila bret iaka met sha riat.
La iathuh ruh ba haduh mynta, ym pat lah ban lap iaka kali bad iaka song pisa.

Pule lang ia kane: Bluit mih ka Vision Document ka VPP da ka Hindi – “Ym sngewthuh Hindi hynrei thoh bad pule te nang”

Share post:

spot_img
spot_img

Popular

More like this
Related

Satah ka ktieh ha surok NH-6 | Jan hap ka Iingsah briew | Khang tala ka FKJGP ia ka jaka tih khyndew

Nongpoh, Jymmang 31 : Ka surok National Highway-6 kala...

Mih noh u Dr Jemino na ka UDP hadien ka jingbat nongialam la bun snem

Shillong, Jymmang 31: U General Secretary ka United Democratic...

Kut noh ka jingai jinghikai ap kol ka AFC ha Shillong

Shillong, Jymmang 31: Ka jinghikai ap Goal, lane ka...