Shillong, Iaiong 26 : Ka Meghalaya Energy Corporation Limited (MeECL) hynne ka sngi Thohdieng, kala hiar ban leit ot lut ploin ia ka bording bala tan be-ain da ki Iing ba shna be-ain ha Lum Survey, Shillong Contonment Board.
Kane kala jia shisngi hadien ka jinghiar jurip jong ka seng Hynniewtrep Youth Council (HYC), kaba la shem ia ka jingmih haduh 80 tylli ki Iing be-ain bad ka jingtan bording ba khlem meter ha kine ki longiing.
Ha ryngkat ka jingsynran ka HYC, ka MeECL hapoh ka jingialam u Assistant Executive Engineer Bah I Passah, kala leit ban jurip bad ot lut ia baroh ka bording jong kine ki Longiing.
Haba iakren bad ki nongthoh khubor, u Bah Passah ula pyntip ba kine ki Iing kila tan bording khlem ki meter reading box kaba pyni shai ba ka jur bha ka jingtuh bording.
Ula pyntip, la lap ruh mynta ba ka Building ba don ha Ajmera Marbles, ka don bynta ha kaban ai tan bording tuh ia kine ki Iing kiba don ha Lum Survey.
Ula onng ba ka jingleh jong ki trai ka Ajmera Marbles kam iahap bad ka dei kaba beain bad la donkam ban ot noh iaka bording jong kito ki long ing kiba shu tan tuh.
“Nga la ioh hukum naka ophis ban wan jurip shane bad kumta ngi la leh iaka ba donkam bad ngi la ot ia ka bording naki longing ba shu tan tuh namar ki Meter Reading Box kim rung ha kane ka jaka bad kane ka paw hi ba ki shu tuh bording” ong u Bah Passah.
U Bah Passah ula ong ba nalor ka jingot bording ka tnat MeECL kan sa dain kuna ruh iaki briew kiba ai bording ei sha kiwei pat bad ula bynrap baka Ajmera Marbles Building ruh kan shah dain kuna.
Haba kylli, u Bah Passah ula ong “Lada donkam ban ujor daka ejahar ruh ka tnat MeECL kan sa leh iaka ba donkam hadien bala iakren shwa bad ki bor ba halor”.
, kaba la shem ia ka jingmih haduh 80 tylli ki Iing be-ain bad ka jingtan bording ba khlem meter ha kine ki longiing.){kind=link}