Nongstoin, Nailar 17 : Ka Assembly Committee jong ka Empowerment of Women and Child Protection, kala hiar hynne ka sngi Palei sha Nongstoin, West Khasi Hills District, ban shim jingkhein na ki bor District halor ki sienjam bala shim ban ai jing iada ia ki Kynthei bad ki Khynnah bad ruh ka jingpynioh ia ka jingbishar kaba hok ia ki lanot ba shah thombor.
Kane ka Committee ka dei kaba la khlieh da ka MLA ka Sutnga kong Santa Mary Shylla kum ka Chairperson bad ki dkhot ki kynthup ia ka MLA ka Ampati Miami D Shira, MLA ka North Shillong Adelbert Nongrum, MLA ka Nongstoin Bah Gabriel Wahlang, u Marthone Marak bad kiwei kiwei.
Kane ka Committee kala lum ia ka jingialang jong ki bor pyniaid ka District ba kynthup ia u Deputy Commissioner, u Superin tendent of Police lem bad ki Heh Ophisar ka District Social Welfare, District Child Protection, ki Doktor, ki nongiasaid ain ka Sorkar bad kiwei kiwei.
Kane ka jingialang kala iatai sani halor ka jingsahteng jong bun bah ki mukotduma kiba iadei bad ki kam leh beijot ia ki Kynthei bad ki khynnah Kynthei kiba hap hapoh ka POCSO Act.
Haba iakren bad ki nongthoh khubor, ka Chairperson kong Santa Mary Shylla kala iathuh ba ka jingwan jong ki dkhot ka Committee sha Nongstoin ka dei halor ka nongrim ban iaphylliew jingmut bad ki bor pyniaid district, ki heh pulit bad ki nong iasaid ain halor ki kam thombor pyrshah ia ki kynthei bad ki Khynnah hapoh ka District.
Ka Chairperson kala ban jur ia ki Pulit ba kin shimkhia bha ia ki kam thombor pyrshah ia ki Kynthei bad ki Khynnah bad ban pynthikna ba ka jingtohkit ka dei ban long kaba bniah, kaba kloi bad kaba khlain ha ka jinglum ia ki sakhi satar khnang ban pynthikna ba ki lanot kin ioh ia ka jingbishar kaba hok bad ba kloi.
Nalor kane, kala kren ruh halor ka jingdonkam ba ki bor District kin pynlong ia ki jingpynshai paidbah halor ki ain ki kanun kiba ai jingiada ia ki Kynthei bad ki Khynnah bad ban pynshlur ruh ia ki nongshah thombor ba kin mih shakhmat ha kaban ujor sha ki bor ka ain lada ki ngat ha ka apot.
Pule lang ia kane: Manipur: Shong kyllain mungor ki Kynthei ha lai jaka ban burom ia ki lanot ba iap na ki kam iaumsnam
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
