Nongpoh, Nailar 06 : U MLA ka Jirang Bah Sosthenes Sohtun, hynne ka sngi Ba-ar, ula hiar jurip ia baroh ki jaka kiba shah ktah ha ka jingshlei um ha ki thain Baridua, Killing shaduh ka thain Umtyrnga.
Ia u MLA la synsan da ki briew na ka Ophis u BDO, kiba la shim jingkhein ia ki jingshah ktah ki briew na ka jingshlei um kaba jia ha ka sngi Nyngkong hadien ka jingther u slap uba la neh katto katne kynta.
U MLA ula kyntu ia ki briew Sorkar ba kin pyndep kloi ia ka jingai jingiarap ia ki briew kiba shah ktah lyngba ka Emergency Relief Fund.
Ha kane ka jingjurip la lap ba ki don ruh katto katne ki skul ha ka thain Jorabat haduh Khanapara kila shah ktah bha haduh ba kila hap ban ai shuthi ia ki khynnah namar ba kim long shuh ban pynlong skul, naba ka um kala rung sha manla ki kamra skul.
