Nongstoin, Naitung 24 :U Deputy Chief Executive Member (CEM) ka Khasi Hills Autonomous District Council (KHADC) Bah Pynshngain N Syiem, hynne ka sngi Balang, ula hiar jurip ia ka rukom treikam jong ka Iingkashari ka District Council ha Nongstoin, West Khasi Hills, kaba la sdang treikam naduh u 2021.
U DyCEM ula shong jingialang ruh bad ki Ophisar lem bad ki Magistrate nalor ki nongiasaid ain jong kane ka Iingkashari ban sngap ia kaei ka jingeh bad ki jingduna ba ki sngew donkam ban leh eiei kyrkieh noh da ka Council.
U Bah Pynshngain ula pyntip ba kane ka Iingkashari haduh mynta kala shim bishar haduh 200 tam ki mukotduma ba kynthup ia ki Civil bad Criminal case.
Ula ong ba ka jingdon jong kane ka Iingkashari kala iarap shibun ban pyniaid sted ia ki jingbishar ia ki mukotduma kiba hap hapoh ka District.
Ia u DyCEM la synran da i kong S. B Laitthma, iba dei I Judge ka KHADC, i kong V. Mawlieh, 1st Class Magistrate, u Bah M.G Nongsiej, Superintendent of Professional Tax, Nongstoin, ki ophisar na ka law Department bad kiwei kiwei.
