Shillong, Jylliew 30: Ka Confederation of Meghalaya Social Organisation (COMSO) ha ka step sngi Nyngkong, ka la leit ban jurip ia ka infiltration check post lane ka khyrdop talasi ia ki briew ba wan rung lyngba ka Ratacherra, East Jaintia Hills ban bishar bniah ia ka rukom pynshisha ia ki briew kiba wan rung lyngba kane ka khyrdop.
Ha ka jingialam jong u Sambormi Lyngdoh, Vice Chairman ka COMSO Jaintia Hills Region, kane ka kynhun ka kynthup ia ki dkhot na ki sengbhalang – ka Hyniewtrep Youth Council (HYC), Jaintia Students Movement (JSM), bad ka Jaintia National Council (JNC).
Kane ka jingjurip ka long ban pynthikna ba ki briew ha kane ka khyrdop ki shim ne em ïa ki lad ki lynti kiba biang ban pynshisha ïa ki kot ki sla jong ki riew shimet kiba wan rung sha kane ka jylla bad ban khanglad ïa ki briew kiba nabar ki bym biang ki kot ki sla ban wan rung shapoh ka Jylla Meghalaya.
Ha kane ka jingjurip la don ki briew kiba la shah bat bad la pynphai biang namar ka jingbym don ki kot ki sla kiba biang.
U Sambormi Lyngdoh u la ban jur ia ka jingdonkam jong kane ka khyrdop da kaba ong ba ki briew kiba nabar ki bym lah ban pynshisha ki lah ban wanrah ia ki jingeh bapher bapher hapoh ka jylla bad pynkhein ia ka hok jong ki trai shong shnong.
Kane ka sienjam jong ka COMSO ka long shi bynta ban weng ïa ka jingwan buhai shnong beain jong ki briew kiba nabar sha kane ka jylla Meghalaya.
Ha ka jingialang kaba la long ha ka 21 tarik Naitung ka COMSO ka la mynjur ia ka rai ban bishar bniah ia baroh ki khyrdop lane ki infiltration check post ha kylleng ka jylla.
Ka COMSO ka thmu ban jurip ia ka jingtreikam jong kine ki jaka talasi bad ban shim ia ki sienjam kiba tyngeh lada donkam.
U Bah Sambormi u la ong ba kane ka dei tang ka jingsdang, bad ki lad ki lynti ba kongsan ban weng ia ka jingwan tuid ki briew yn sa pyntreikam ha ki por ban wan.
Kane ka jingsdang khynra jong ka COMSO ka long namar ka jingdawa ia ka Inner Line Permit (ILP) system ha Meghalaya, kaba thmu ban pynbeit ia ka jingwan rung ki briew kiba nabar sha kane ka jylla.
Ka COMSO ka la ban jur ban pyntreikam ia ka ILP, da kaba kdew ia ka jingsngewkhia halor ka jingktah jong ka jingwan buhai shnong beain ka ban ktah iaka jingbun briew trai shnong.
 ha ka step sngi Nyngkong, ka la leit ban jurip ia ka infiltration check post lane ka khyrdop talasi ia ki briew ba wan rung lyngba ka Ratacherra, East Jaintia Hills ban bishar bniah ia ka rukom pynshisha ia ki briew kiba wan rung lyngba kane ka khyrdop.){kind=link}