Shillong, Jylliew 30 : Ka Iingkashari Special Judge (POCSO) ka East Khasi Hills, Kong M K Lyngdoh, kala hukum ban set along haduh 25 snem ia u runar uba donkti ban leh beijot khynnah.
Une u runar u kyrteng u Teiboklang Wahlang uba la shah tian bishar kat kum ka Mawngap Police Station Case No. 09(02)2020 hapoh ka kyndon 5 (i)(m)(n)/6 jong ka POCSO Act pule lang bad ka kyndon 506 IPC.
Ka Iingkashari kala hukum set ia u 25 snem ha along ha ryngkat ka kun aba T.50,000 bad lada ym lah siew, un hap shong along sa 6 bnai.
Kumjuh ruh, kala hukum ban set 2 snem ha along ha ryngkat ka kun aba T.10,000 kat kum ka kyndon 506 IPC bad lada ym lah siew, un hap shong along sa 3 bnai.
Ia kane ka case lah tohkit da ka WPSI L Kharjana kaba don mynta ha Women Police Station ka East Khasi Hills, Shillong.
 ka East Khasi Hills, Kong M K Lyngdoh, kala hukum ban set along haduh 25 snem ia u runar uba donkti ban leh beijot khynnah.){kind=link}