Shillong, K’lyngkot 13 : Hynne ka janmiet sngi thohdieng, ki paidbah ba iaid ba ieng najan Anjalee Petrol Pump, kila her syrngiew na ka jingsuba buh bomb ha kawei ka synduk suitcase bala pynieng harud jong ka surok.
Hadien ka jingioh jingtip shaphang kane ka suitcase ha ka por 3:30 baje eiei, ki Pulit ka Jylla bad ka kynhun Bomb Squad kila mareh wut wut sha kane ka jaka bad kerkut ia ka jaka nalor ka jingpyniaid ia ki kali na kawei pat ka jaka.
Hynrei ha ka jingtohkit, ki Pulit bomb squad kim shym la lap bomb satia ha kane ka synduk hynrei kila lap tang ia ki jain kiba la dep phong.
