Shillong, K’lyngkot 13 : U Myntri Rangbah ka Jylla Conrad K Sangma hynne ka sngi thohdieng, ula buh ia u mawnongrim ban nang pynheh ia ka Umlyngka bad ka Nongkseh Water Supply Scheme na ka Jal Jeevan Mission (JJM) ha ka jingiadon ryngkat u Myntri Sorkar bad MLA ka Mylliem bah Hamletson Dohling.
The inclusion of all Census Towns of Meghalaya in Jal Jeevan Mission will give areas that were deprived access to clean drinking water.
Water Is Life and we are happy that our efforts to push GoI to include our Census Towns is easing the lives of our people.
— Conrad Sangma (@SangmaConrad) January 13, 2023
Ha Nongkseh, ka pisa bala mang baroh ka long T. 15.84 klur na ka bynta ki 1230 tylli ki Longiing bad ha Umlyngka pat la mang T. 28.89 klur na ka bynta ki 2242 tylli ki Longiing.
“Ka jingkynthup lang ia baroh ki Census Town ka Meghalaya ha ka Jal Jeevan Mission kan pynioh ia ki jaka kiba la shah ieh, ia ka umbam umdih kaba khuid. Ka um ka dei ka jingim bad ngi da kmen shibun ba ka jingpyrshang jong ngi ban tynruh ia ka Sorkar India ha kaban kynthup ia ki Census Town kala pynsuk ia ka jingim jong ki briew jong ngi” ong u Conrad ha ka rynsan Social Media.
Haba iaroh ia ka Sorkar MDA ba ialam da ka NPP, u Conrad ula ong ba ka Jylla Meghalaya kala kiew joit na shatdong eh kum ka jylla bym lah pyntreikam bha ia ka JJM sha kawei ka Jylla kaba biang tam hapoh ka Ri.
“Ryngkat bad ka kynhun Jal Jeeval Mission, ka Meghalaya kala trei shitom ban pynthikna ba ia ki sienjam bala shim na kane ka skhim yn pyntreikam na ka bynta u paidbah” ula bynrap.
