Shillong, Nailur 15 : Ka National People’s Party (NPP), kala ai ka jingithuh ba kyrpang ia u Nongthaw jngrwai ba paw ka Ri-lum Khasi uba thaw ruh ia ka jingrwai jong ka Voice of the People Party (VPP) “Meinah-Panah ha u Prah”, kaba la pynshoh jadu ban pynioh ia ka jingjop ka VPP haduh 4 ngut ki MLA ha ka elekshon MLA-2023.
Une u Nongthaw jingrwai bad Nongrwai u dei u Bah Smilling F Mylliemngap ba na Iewpamtiah, uba la dep thaw haduh 3000 tylli ki jingrwai ba kynthup ia ki jingrwai niam, jingrwai ieid ri, ki jingrwai ba pynshongshit ha ka por elekshon bad kiwei kiwei.
U Myntri Rangbah ka Jylla bad National President ka National Peoples’ Party (NPP) Conrad K Sangma, ula khot dihsha ia une u Nongthaw Jingrwai hynnin ka sngi Palei ha ka Iingsah jong u kum ka dak ka jingburom bad jingithuh ia ka sap ba une u Rangbah u don.
Ia une u Rangbah Nongthaw Jingrwai la synran da u Chief Executive Member (CEM) ka Khasi Hills Autonomous District Council (KHADC) Bah Pyniaid Sing Syiem lem bad u Executive Member Bah Fantin J Lakadong ha kane ka jingleit iakynduh ia u Myntri Rangbah ka Jylla.
Kat kum ka khubor kaba la iohlum, la iathuh ba u Myntri Rangbah ka Jylla ula kular ban theh ia ki jingiarap sha une u Nongthaw Jingrwai ba un nang lah ban pynheh bad pynriewspah ia ka kam ba u leh, kata ha kaban thaw ia ki jingrwai bad pynmih album.
Shuwa kane ka jingleit iadih sha bad u CM, ka KHADC kala pynkup burom ia une u Rangbah ha ka jingialang bala pynlong hapoh ka Ophis treikam u CEM.
, kala ai ka jingithuh ba kyrpang ia u Nongthaw jngrwai ba paw ka Ri-lum Khasi uba thaw ruh ia ka jingrwai jong ka Voice of the People Party (VPP) “Meinah-Panah ha u Prah”, kaba la pynshoh jabu ban pynioh ia ka jingjop ka VPP haduh 4 ngut ki MLA ha ka elekshon MLA-2023.){kind=link}