Shillong, Nailar 20 : Ka Sorkar Jylla kala pynbna ia ka rai ban pyndep noh ia baroh ki kam ki jam ba iadei bad ka jingpynkynriah ia ki nongshong dukan madan na kylleng ki jaka ka Sor Shillong hapoh u bnai Naiwieng mynta u snem.
Haba kren sha ki lad pathai khubor ha ka sngi Balang, u Myntri kam Jngohkai Bah Paul Lyngdoh ula pyntip ba ka Sorkar ka don jingthmu ban pynkynriah noh ia ki nongshong dukan madan na kki jaka kum ka Laitumkhrah, Civil Hospital Point, Them Mijoy haduh ha Motphran ka ban iaid da ki pali pali.
“Kine ki dei ki jaka iew ba thnem bha bad ngi la buh ia ka tarik ban pyndep ia baroh ka jingpynkynriah bad jing pynkylluid ia kine ki jaka hapoh u Naiwieng mynta u snem” ula ong.
U Bah Paul ula ong ba ka Sorkar kala jop ha kaban pynkynriah ia ki nongshong dukan madan ha Khyndailad, kaba la kylla mynta sha ka jaka iaid kjat u paidbah.
Wat hapdeng ki jingtynjuh kiba bun, ka project kala long kaba jop bad ka Sorkar kala phaikhmat mynta sha kiwei pat ki jaka iew ba heh, ula bynrap.
